Сын вядомага беларускага паэта, народжанага на Лагойшчыне, Змітрака Бядулі перадаў рэдкае выданне свайго бацькі Нацыянальнай бібліятэцы Беларусі. Аб гэтым паведаміў на сваёй старонцы ў фэйсбуку намеснік генеральнага дырэктара бібліятэкі Алесь Суша.
Яфім Плаўнік разам са сваёй жонкай падарылі бібліятэцы кнігу «Танзілія», выпушчаную ў 1927 г. літаратурным аб’яднаннем «Узвышша».
– Празаічны зборнік Змітрака Бядулі «Танзілія» доўгія дзесяцігоддзі захоўваўся ў сям’і пісьменніка, – піша Алесь Суша, – а цяпер папоўніць фонды Нацыянальнай бібліятэкі Беларусі і вельмі хутка трапіць да сваіх новых чытачоў.
Алена Масцерава.
Фота са старонкі Алеся Сушы ў фэйсбуку.