Новости
На пятніцу аб’яўлена штармавое папярэджанне. У суботу вецер захаваецца
главное
130 дня(-ей) назад
2
4

Сёння, 14 студзеня, Міністэрства па надзвычайных сітуацыях разаслала грамадзянам смс-паведамленні з заклікам быць уважлівымі і асцярожнымі з прычыны значнага ўзмацнення ветру.

І сапраўды, на сайце «Белгідрамета» размешчана папярэджанне пра небяспечную штармавую з’яву, калі ўдзень у многіх раёнах рэспублікі чакаецца ўзмацненне заходняга і паўночна-заходняга ветру парывамі да 25 – 27 метраў за секунду. З-за яго, нягледзячы на плюсавую тэмпературу, на вуліцы холадна і некамфортна.

Таксама сіноптыкі прагназуюць на працягу ўсяго дня дождж і мокры снег.

Ветранае надвор’е з ападкамі захаваецца і ў суботу, калі тэмпература паветра будзе вагацца ў раёне нуля градусаў. Столькі ж удзень абяцаюць і ў нядзелю, але вецер стане цішэйшы.

Пачатак тыдня хутчэй за ўсё будзе снежным з тэмпературай паветра -4 +2о С.

Алена Масцерава.