...Чарадзейка склала разам махрыстыя канцы і, прылажыўшы іх абодва да Дамінікінага ілба, пачала шаптаць. Кікімары Расі хутка надакучыла чакаць і ёй ужо здавалася, што гэта шаптанне ніколі не скончыцца. Але Седачыха дала ўрэшце адзін канец Франакава пояса кабеце, загадала трымаць зубамі, сама прывязала да яго другі пояс, пашаптаўшы зноў трохі, паплявала на атрыманы вузел, абкруціла звязанымі адзін з адным паясамі Дамініку вакол тулава, потым зняла іх, скруціла ды аддала той скрутак жанчыне.

-- Вось. Як твой пояс і сынаў звязаны паміж сабою, так яго жыццё будзе звязана з тваім. Цяпер сын вернецца да цябе і ўжо нікуды не дзенецца. Да самага скону...

Працяг апавядання -- у газеце "Родны край" 20 ліпеня 2019 года.