У суботу 5 красавіка таленавітыя сем’і Міншчыны прымуць удзел у фестывалі "У добрым родзе ўсё ў згодзе", які пройдзе ў рамках рэспубліканскага фестывалю сямейнай творчасці "Жывіце ў радасці". У Лагойскім раённым цэнтры культуры збяруцца 40 сем’яў з усяго цэнтральнага рэгіёна. 
Наш раён на фестывалі прадставіць творчая сям’я Раманавых з райцэнтра. Ганна Раманава выканае песню пра Беларусь пад акампанемент мужа Аляксея, які будзе іграць на скрыпцы, і старэйшага сын Пятра, які ўжо па-майстэрску валодае гітарай. Падтрымліваць сваіх родных будуць малодшыя дзеці Ціхамір і Мілада.
Канцэрт сямейных калектываў - самая яркая частка праграмы. Акрамя творчых нумароў на сцэне будуць арганізаваны таксама выставы дэкаратыўна-прыкладнога, выяўленчага, кулінарнага мастацтва, выставы-прэзентацыі дзейнасці сямейных клубаў і інш.
Фестываль пачнецца ў 12.00. Уваход на яго вольны. Прыходзьце пазнаёміцца з творчымі сем’ямі Мінскай вобласці і падтрымаць творчых, крэатыўных, таленавітых лагайчан.