Лагайчане наведалі XVII Нацыянальны фестываль беларускай песні і паэзіі

Лагайчане наведалі XVII Нацыянальны фестываль беларускай песні і паэзіі

Усім, хто 2 і 3  чэрвеня трапіў у горад Маладзечна, можна было толькі пазайздросціць. Менавіта ў гэтыя выхадныя тут праходзіў XVII Нацыянальны фестываль беларускай песні і паэзіі.

 

На многіх пляцоўках разгарнуліся святочныя гулянні. На Цэнтральнай плошчы можна было на працягу дня паслухаць канцэртныя выступленні як мясцовых творчых калектываў, так і гасцей, якія завіталі ў культурную сталіцу з розных куточкаў Міншчыны.

Для аматараў шопінгу размясціліся гандлёвыя рады з рознымі прысмакамі і сувенірнай прадукцыяй майстроў.

Сярод гасцей былі і лагайчане, якія ўжо некалькі гадоў запар прыязджаюць на фестываль. 

Лагайчане наведалі XVII Нацыянальны фестываль беларускай песні і паэзіі

Лагайчане наведалі XVII Нацыянальны фестываль беларускай песні і паэзіі

Пакуль мы атрымлівалі асалоду ад выступленняў самадзейных артыстаў, многія жадаючыя паспелі паглядзець вядомую купалаўскую камедыю «Паўлiнка», якую на фестываль прывёз Нацыянальны акадэмічны тэатр імя Янкі Купалы. А вечарам гараджане і госці накіраваліся да летняга амфітэатра, дзе ў суправаджэнні аркестра імя М. Фінберга пачынаўся канцэрт, прысвечаны 135-годдзю з дня нараджэння беларускіх класікаў – Якуба Коласа і Янкі Купалы.

Першы дзень фестывалю завяршыўся яскравым салютам над вячэрнім небам Маладзечна. 

Валянціна Меняйла.